Saılaý: «Nur Otan»-nan kandıdattar úılerdi aralap, úgit júrgizýde

QAZALY. QazAqparat - «Nur Otan» partııasynan Qyzylorda oblysy Qazaly aýdandyq máslıhatynyń depýtattyǵyna kandıdattar Jalǵasbaev Nurǵısa men Tabynbaı Eset úılerdi aralap, úgit jumystaryn júrgizýde, dep habarlaıdy QazAqparat.

Úmitkerler aýdanymyzǵa belgili aqsaqaldar men aq jaýlyqty analardyń úıinde bolyp, «Esikten Esikke» aktsııasyn ótkizdi.

Máslıhat depýtattyǵyna kandıdattar aktsııa aıasynda partııanyń 2021-2025 jyldarǵa arnalǵan «Ózgerister joly: ár azamatqa laıyqty ómir» atty saılaýaldy baǵdarlamasyn keńinen tarqatyp, túsindirip, aldaǵy atýqarylar josparly jumystar týraly aıtty.

Kezdesý barysynda aýdandyq ardagerler keńesiniń tóraǵasy Bekbanov Orazǵalı Dostanuly jastarǵa sáttilik tilep, 10 qańtarda ótetin saıası naýqanda óz tańdaýyn jasaıtynyn jáne ol kóshbasshy partııa «Nur Otan» partııasy bolatynyn aıtty.

«Nur Otan» partııasy Qyzylorda oblysy, Qazaly aýdanynyń Saılaý qorynyń qarajatynan tólendi.