Saılaý naýqanyna qatysty shaǵym túsken joq - Adam quqyqtary jónindegi ýákil

ASTANA. QazAqparat – Adam quqyqtary jónindegi ulttyq ortalyqqa saılaý naýqanyn uıymdastyrý boıynsha shaǵym kelip túspedi. Bul týraly Adam quqyqtary jónindegi ýákil Artýr Lastaev aıtty, dep habarlaıdy QazAqparat tilshisi.

«Bizdiń keńsege atalǵan taqyrypta eshqandaı shaǵym túsken joq. Soǵan qaramastan, biz osy saılaý naýqanyn erekshe nazarda ustap otyrmyz. Bul turǵyda kandıdattar zańsyz áreketterge qatysty shaǵym jasaı alady. Jalpy, osy máselede ádildik qamtamasyz etildi dep sanaımyz», - dedi A. Lastaev elordada BUU Adam quqyǵy jónindegi joǵary komıssary Folker Tıýrkpen kezdeskennen keıin tilshiler suraǵyna jaýap bere otyryp.

Osy oraıda ol adamdar sotqa júginip, óz quqyqtaryn qorǵaýy qalypty jaǵdaı ekenin aıtty.

«El halqy óz quqyqtaryn zań jolymen qorǵaýy kerek. Qazirgi kezde shaǵym aıtyp bizge eshgim júginbedi», - dedi Artýr Lastaev.

Sonymen qatar Adam quqyqtary jónindegi ýákil Qazaqstanda «shetel agentteri» týraly zańdy engizý qarastyrylmaǵynan aıtty.

Budan buryn habarlanǵandaı, TMD baıqaýshylary mıssııasy elimizde ótip jatqan saılaý aldyndaǵy úgit-nasıhat jumystary barysynda kemshilikterdi anyqtaǵan joq.