Saılaý naýqanyn baqylaıtyn qoǵamdyq komıssııa quryldy - N.Erimbetov

ASTANA. QazAqparat - Kezekten tys prezıdenttik saılaý naýqanyndaǵy buzýshylyqtardy baqylaıtyn qoǵamdyq komıssııa quryldy. Bul týraly búgin "Prezıdent saılaýy-2015: el damýyndaǵy jańa kezeń" taqyrybyndaǵy saıasattanýshylardyń II Astana forýmynda atalmysh respýblıkalyq komıssııanyń jetekshisi, Qazaqstannyń azamattyq alıansy uıymynyń basshysy Nurlan Erimbetov málim etti.

Onyń habarlaýynsha, saılaý naýqanyn baqylaý qoǵamdyq komıssııasynyń resmı saıty da ashylǵan.

"Jaqynda saılaý naýqanyn baqylaý respýblıkalyq komıssııasy quryldy. Biz Ortalyq saılaý komıssııasynyń qyzmetkerlerin, saılaý baqylaýshylaryn oqytyp, halyqaralyq baqylaýshylarmen baılanys ornatamyz. Bizdiń maqsatymyz - saılaýdaǵy buzýshylyqtardy anyqtaý ǵana emes, ony aldyn alý. Biz saılaýǵa qatysty aıtylatyn syndardyń aldynda bolǵymyz keledi. Bizde komıssııanyń www.bakylau.kz saıty ashyldy. Eger suraqtaryńyz bolsa, habarlasýlaryńyzdy suraımyz", - dedi N.Erimbetov.

Eske sala keteıik, QR Prezıdenttik saılaýy 26 sáýirge belgilenip otyr.