Saılaý naýqany kezeńinde jappaı úgit-nasıhat is-sharalarynyń ornyna halyqqa bolashaq damýymyzdyń strategııasyn túsindirýdi uıymdastyrý bárinen mańyzdy-N. Nazarbaev

Búgin "Nur Otan" HDP ortalyq apparatynyń ǵımaratynda Respýblıkalyq saılaýaldy qoǵamdyq shtabtyń múshelerimen kezdesýinde Memleket basshysy Nursultan Nazarbaev osylaı málimdedi.

QR Prezıdenti baspasóz qyzmetiniń habarlaýynsha, olar Qazaqstan halqyna Joldaýynda, Memleket basshysynyń «Nur Otan» partııasynyń sezinde sóılegen sózinde, 2020-Strategııalyq josparda aıqyn kórinis tapqan.

Bul basymdyqtar Nursultan Nazarbaevtyń saılaýaldy baǵdarlamasynyń negizin quraıdy. Onda «Qazaqstannyń bolashaǵynyń obrazy» naqty qalyptastyrylǵan. Negizgi basymdyqtarǵa ornyqty ekonomıkalyq ósimdi qamtamasyz etý, údemeli ındýstrıaldyq-ınnovatsııalyq damý baǵdarlamasyn iske asyrý, shaǵyn jáne orta bıznesti qoldaýdy kúsheıtý; taıaý on jyl ishinde jumyssyzdyq deńgeıin 5 paıyzǵa deıin, halyqtyń kedeıshiligin 6 paıyzǵa deıin tómendetý; ındýstrııalandyrý aıasynda júz myńdaǵan jańa turaqty jumys oryndaryn ashý jatady.

Memleket azamattardy jańa mamandyqtarǵa tegin oqytý baǵdarlamasyn júzege asyratyn bolady;

- ár jyl saıyn alty mıllıon sharshy metr turǵyn úı qurylysyn, bes jyl boıyna 350 aýrýhana men emhananyń, 400 mekteptiń qurylysyn qamtamasyz etý;

- 2020 jylǵa qaraı ortasha kútiletin ómir uzaqtyǵyn 72 jasqa deıin jáne odan ári ulǵaıtý. Halyqtyń sany 18 mıllıon adamǵa jaqyndaıdy, ana men bala ólimi eki esege azaıady;

- barlyq balalardyń mektepke deıingi tárbıemen qamtylýy, qazaqstandyq JOO-nyń deńgeıiniń artýy álemdik standarttarǵa saı bolady;

- agrarlyq sektorda eńbek ónimdiligi artyp, et ónimderiniń eksporty ony arttyrý jónindegi baǵdarlama men aýyl sharýashylyǵyn shaǵyn kredıtteý baǵdarlamasyn iske asyrý arqyly 60 myń tonnaǵa jetedi;

- ortalyqtandyrylǵan sýmen qamtamasyz etýge qoljetimdilik aýyldyń 80 paıyzyn jáne shaǵyn qalalardyń 100 paıyzyn quraıdy;

- 1400 shaqyrymǵa jýyq jańa temir jol jelisiniń qurylysy, respýblıkalyq deńgeıdegi avtomobıl joldarynyń 16000-ǵa jýyq shaqyrymynyń qurylysy júrgiziledi, áýe tasymaly naryǵynda básekelestik orta qurylady;

- «Samuryq-Qazyna» qorynyń quramyna enetin ulttyq kompanııalardyń aktsııalaryn halyqtyń arasynda ornalastyrý baǵdarlamasy iske asyrylady;

- halyqtyń qazaq tilin meńgerý deńgeıin 95 paıyzǵa jetkizý;

- saıası júıeni demokratııalandyrýǵa, memlekettik ınstıtýttardyń tıimdiligin arttyrýǵa arnalǵan baǵyt jalǵasyn tabady. Parlament kóppartııaly bolýy tıis;

- jaýapty jáne belsendi syrtqy saıasat, eldiń qorǵanys qabiletin nyǵaıtý jalǵasady.

Memleket basshysy bul basymdyqtardyń ómirde naqty qoldanylýy barsha qazaqstandyqtardyń ómirinde jaǵymdy kórinis tabatynyn atap ótti.

"Mine, osyny halyqqa túsindirýdi mańyzdy dep esepteımin. Qoǵamdy bolashaq damý strategııasyna toptastyrý qajet. Áleýmettik jańǵyrtýdyń jańa baǵdarlamasy halyqtyń qalaýyna jaýap beredi jáne ony árbir áleýmettik toptarǵa: bıýdjettegilerge, bıznesmenderge, aýyldyq turǵyndarǵa, ártúrli ult ókilderi men dinı konfessııalarǵa jetkizýde mańyzy zor. Eshkim de syrt qalmaýy tıis. Árbir qazaqstandyq saılaýǵa qatysýy kerek", - dep atap ótti Prezıdent.