Saılaý naýqany kezeńinde QR OSK 66 qaýly qabyldady - L.Súleımen
«Ortalyq saılaý komıssııasy óz qyzmetin jarııaly jáne ashyq júzege asyrdy. Saılaý naýqany kezeńinde QR OSK-nyń 66 qaýlysy qabyldanǵan 33 otyrysy ótkizildi. Komıssııa otyrystarynyń barlyǵyna buqaralyq aqparat quraldary men baıqaýshylar shaqyryldy», - dedi ol.
Komıssııa múshesiniń atap ótýinshe, 26 aqpannan 24 sáýirge deıingi kezeńde Qazaqstan Respýblıkasy Ortalyq saılaý komıssııasy músheleriniń 190-nan astam sóılegen sózi jarııalanyp, teledıdar men radıoarnalar efırine shyqty. Sondaı-aq Ortalyq saılaý komıssııasy BAQ úshin 20 brıfıng uıymdastyrdy.
«Saılaýshylar men saılaý úderisine qatysýshylardan QR OSK-ge 50-den astam suraqtar men usynystar kelip tústi. Saýaldardyń basym kópshiligi saılaý komıssııalarynyń qyzmetine, saılaý aldyndaǵy úgitti júrgizýge, daýys berýdi ótkizý men daýystardy sanaýǵa, saılaýshylardyń tizimderin jasaý men naqtylaýǵa jáne esepten shyǵarý kýálikterin berýge, Qazaqstan Respýblıkasynyń Prezıdenttigine kandıdattardy qoldap qol jınaýǵa baılanysty boldy», - dedi L.Súleımen.
