Saılaý naýqany «qara pıar» jáne «las» tehnologııalarsyz ótip jatyr - Q.Turǵanqulov
ASTANA. 12 qańtar. QazAqparat /Aıdar Ospanalıev/ - Májilis depýtattarynyń saılaýy naýqanynda «qara pıardy» nemese «las» tehnologııalardy paıdalaný áreketteri oryn alǵan joq.
Bul týraly búgin Eýropa Keńesi Parlamenttik Assambleıasy baıqaýshylary mıssııasymen kezdesýi barysynda Ortalyq saılaý komıssııasynyń tóraǵasy Qýandyq Turǵanqulov málim etti.
Onyń sózinshe, saılaý naýqanynda saıası partııalarǵa buqaralyq aqparat quraldarynan úgit-nasıhat jumystaryn júrgizý úshin teńdeı múmkindikter berildi jáne BAQ ókilderi men saılaýǵa qatysýshylar tarapynan zańbuzýshylyqtar oryn alǵan joq.
«Bul saılaýdyń basty ereksheligi saılaý zańnamalaryn buzý áreketteri oryn alǵan joq. Buny ótken jyldyń sáýir aıynda ǵana ótken Prezıdent saılaýynan bastaý alǵan ıgilik dep esepteımiz. Sonymen qatar, Ortalyq saılaý komıssııasyna júzdegen ótinishter kelip tústi, olardyń basym kópshiligi saılaý zańnamalaryn túsindirýmen baılanysty. 20 shaǵym ǵana saılaý úderisimen baılanysty boldy. Biz olardy jedel túrde qarap, tıisti sheshimin shyǵardyq», - dedi OSK tóraǵasy.
