Saılaý: Múgedektigi bar adamdar úshin qoljetimdi orta qamtamasyz etiledi
QR Eńbekmıni Ortalyq saılaý komıssııasynyń nusqaýlyǵyna sáıkes múgedektigi bar adamdar úshin saılaý ýchaskeleriniń qoljetimdiligin qamtamasyz etýdi usynady. Atap aıtqanda, pandýstar, shaqyrý knopkalaryn, taktıldi plıtkalar, kórsetkishter, monıtory bar kompıýterler, qosymsha jaryqtandyrý, trafaretter jáne t. b. ornatýdy qamtamasyz etý qajet.
Budan basqa, onlaın-sýrdoaýdarma nemese ymdaý tili mamandarynyń kezekshiligi usynylady. Sonymen qatar, saılaý ýchaskeleri ǵımarattyń birinshi qabatynan joǵary ornalasqan jaǵdaıda múgedektigi bar adamnyń arbasyna arnalǵan arnaıy lıft bolýy kerek.
Saılaý kúni saılaý ýchaskelerine tasymaldaý úshin ınvataksı jumys isteıdi dep josparlanýda.
Sondaı-aq www.inva.gov.kz «Qoljetimdi orta «ınteraktıvti qoljetimdilik kartasy» portalyndaǵy obektiler ózektendiriletin bolady jáne saılaý ýchaskelerinde nemese úıde daýys berý múmkindigi týraly túsindirý jumystary júrgizildi.
«Qoǵamnyń saıası ómirine qatysý – árbir azamattyń Konstıtýtsııada bekitilgen quqyǵynyń ajyramas bóligi. Erkin, tikeleı saılaý demokratııalyq memlekettiń negizi bolyp tabylady jáne belsendi saılaý quqyǵyna ıe árbir azamat ony júzege asyra alýy kerek. Saılaý múgedektigi adamdarǵa qoǵamdyq ómirge qatysýyn jandandyrýǵa múmkindik beredi. Sondyqtan bizdiń mindetimiz OSK jáne jergilikti atqarýshy organdarmen birlesip, múgedektigi bar adamdar úshin qoljetimdi ortany qamtamasyz etý. Ol úshin búkil el boıynsha keshendi sharalar qabyldanýda», – dep atap ótti QR Eńbek jáne halyqty áleýmettik qorǵaý vıtse-mınıstri Erlan Áýkenov.
OSK taldaýyna sáıkes, 10 myń saılaý ýchaskesiniń 96%-y birinshi qabattarda ornalastyrylady, 84%-ynda pandýstar bar, 80%-y QNjE-ge sáıkes keledi, 72%-ynda ǵımaratqa kirgen kezde tutqalary bar.