Saılaý: Memlekettik tilden emtıhan tapsyrǵan kandıdattar qandaı nátıje kórsetti
«QR Prezıdenttigine úmitkerlerdiń memlekettik tildi qanshalyqty meńgergenin anyqtaıtyn lınvıstıkalyq komıssııanyń quramyna kórnekti lıngvıst ǵalymdar, professorlar, akademıkter, fılologııa ǵylymdarynyń doktorlary jáne ishinde fılologııa ǵylymynyń bir kandıdaty bar. Komıssııa músheleri alqaly taldaý ótkizip sodan keıin ǵana sheshim qabyldady. Emtıhandar ádildik pen shynaıylyqty saqtaı otyryp, teń quqyly negizde júzege asty. Kandıdattardyń emtıhanǵa daıyndalýyna, komıssııa aldynda jaýap berýine qajetti jaǵdaı tolyq jasaldy. «Aýyl» partııasynyń atynan túsken [Jıgýlı Daırabaev] azamatta qate óte az boldy. Óıtkeni, tili júırik eken. Ol aýylda týyp-ósken azamat bolǵannan keıin barlyq taqyrypta taza sóılep, oıyn erkin jetkizdi. Mysaly, áıel kandıdattardyń ishinde de ondaı azamattardy baıqadyq. Oı-órisi keń, oıyn anyq jetkize alady. Biz tek emle qatelerin ǵana emes, olardyń tájirıbesin, ana tiline degen súıispenshiligin, taqyrypty asha bilýin jan-jaqty taldaı otyryp baǵaladyq», - dedi lıngvıstıka komıssııasynyń tóraǵasy Ádil Ahmetov.
Sonymen qatar, lıngvıstıkalyq komıssııa múshesi Anar Fazyljanova emtıhan tapsyrǵan búkil úmitkerde emle qateleri bolǵanyn atap ótti.
«Jasyratyny joq, úmitkerlerdiń ishinde bir de bir emle qatesin jibermeı mátin jazǵany bolǵan joq. Bul úmitkerlerimizdiń jazý daǵdysynyń osaldyǵyn bildirmeıdi. Bul jazý kommýnıkatsııasynyń tildiń eń kúrdeli salasy ekenin bildiredi», - dedi Anar Fazyljanova.
Aıta keteıik, buǵan deıin qujat tapsyrǵan 12 kandıdattyń 8-i memlekettik til synaǵynan ótip, barlyǵy qazaq tilin erkin meńgergenin rastady.
Al halyqtyq koalıtsııa atynan usynylǵan Prezıdent Qasym-Jomart Toqaev QR Konstıtýtsııalyq Zańynyń 54-baby 2-tarmaǵyna sáıkes, memlettik tilden emtıhan tapsyrmaıdy.
Sonymen qatar, búgin Ortalyq saılaý komıssııasy qujat tapsyrǵan 3 kandıdatty tirkeýden bas tartty. Jaýapty organ málimetinshe, olardyń kandıdatýrasy zań talaptaryna saı kelmeıdi.
