Saılaý memleketti basqarý isine qatysýdyń birden bir joly – bolashaq saıasatker

QARAǴANDY. QazAqparat – Pandemııaǵa baılanysty saılaýdyń ótýine kedergi bola ma degent qaýp seıilip, daýys berý qarqyndy ótýde. Árbir qazaqstandyq azamat memleketti basqarý isine qatysyp, saılaýda daýyr bergen jón, deıdi bolashaq saıasatker Eldos Jumaǵulov.

Búgin L.N. Gýmılev atyndaǵy EUÝ 3-shi kýrs doktoranty Eldos Jumaǵulov konstıtýtsııalyq quqyǵyn paıdalanyp, saılaýda daýys berdi. Bolashaq saıasatker qaraǵandylyq jerlesterin azamattyq paryzyn oryndaýǵa shaqyrdy.

«Árıne saılaýǵa qatysý, qatyspaý árkimniń óz erki. Biraq ta, elimizdiń bolashaǵyna beı jaı qaramaıtyn azamat óz boryshyna nemquraıdy qaramaǵany jón. Saılaý memleketti basqarý isine qatysýdyń birden bir joly.

Bul saılaýdyń erekshelikterine atap ótetin bolsaq, eń birinshiden, pandemııaǵa qatysty karantındik shekteýler aıasynda ótkizilip otyr, epıdemıologııalyq jaǵdaıdyń asqynýyna oraı saılaýdy ótkizýge kedergi bola ma degen qaýip bolǵan. Jaǵdaıdyń birshama turaqtanýy saıası naýqandy ýaqytynda ótkizýge múmkindik berdi.

Ekinshiden, saılaý týraly zańnamaǵa engizilgen ózgeristerge sáıkes, jergilikti máslıhat saılaýy jańa proportsıonaldyq júıe boıynsha ótýde», - deıdi Eldos Jumaǵulov.