Saılaý kúninde quqyq buzǵan taǵy 6 adam jaýapkershilikke tartyldy
«Parlament Májilisi men máslıhattar depýtattyǵyna kezekten tys saılaý taǵaıyndalǵan kúnnen bastap, prokýratýra organdary naýqannyń barlyq kezeńinde zańdylyqtyń saqtalýyn qatań baqylaýdy qamtamasyz etti. Saılaý protsesi daýys berý kúnin qosa alǵanda, jalpy tynysh jaǵdaıda ótti. Azamattardyń quqyqtaryn buzatyn eleýli zań buzýshylyqtarǵa jol berilgen joq. Degenmen, qadaǵalaý barysynda saılaýdyń qorytyndylaryna aıtarlyqtaı keri áseri tımeıtin zań talaptaryn buzýdyń jekelegen faktileri anyqtaldy», - dedi ol Ortalyq saılaý komıssııasyndaǵy brıfıng barysynda.
Onyń atap ótýinshe, daýys berý kúnin qatań baqylaý jumystary áli de jalǵasyp jatyr. Sondyqtan jaýapqa tartylǵandardyń sany saǵat saıyn ózgerip otyr.
«Dál osy sátte maǵan túsken sońǵy málimetke sáıkes, taǵy 6 adam ákimshilik jaýapkershilikke tartylǵan. Sonymen, daýys berý kúni oryn alǵan ákimshilik quqyq buzýshylyq sany 40-qa jetti. Onyń ishindegi 11-i bizge kelip túsken ótinishterdi qaraý nátıjesinde anyqtalǵan. Barlyǵy boıynsha kináli adamdar ákimshilik jaýapkershilikke tartyldy», - dedi Azamat Sarǵazın.
