Saılaý kúni TMD-nyń 8 elinen 174 baıqaýshy jumys isteıdi
«Qazaqstanda prezıdent saılaýyn baıqaý jónindegi TMD mıssııasy jumysyn jalǵastyryp jatyr. Mıssııa tóraǵasy retinde baıqaýdyń sońǵy kezeńine basshylyq jasaý úshin Astanaǵa keshe ushyp keldim. Mıssııamyz 27 qazannan beri jumys istep jatyr. Memlekettik qurylymdardyń ókilderimen, saılaýdy daıyndaý jáne ótkizýge jaýapty tulǵalarymen kezdestik. Іshki ister, Syrtqy ister mınıstrlikterinde boldyq. Ortalyq saılaý komıssııasymen, Bas prokýratýramen tyǵyz jumys istedik. Mundaı jaqsy, syndarly, kúndelikti baılanys mıssııamyzdyń baıqaýshylary aldynda turǵan mindetterdi sheshýge múmkindik beredi. Qazaqstanda kezekten tys prezıdent saılaýyn ótkizý týraly sheshim qabyldanǵan sátten-aq TMD Atqarýshy komıteti de, saılaýdy baıqaý jónindegi jaýapty adamdar da BAQ pen Internette jarııalanǵan aqparattardy saralaýǵa birden kirisip ketti», - dedi Sergeı Lebedev Ortalyq saılaý komıssııasynda ótken brıfıngte.
Onyń atap ótýinshe, mıssııa baıqaýshylary Qazaqstannyń saılaý ótkizý zańnamasyn, saılaýǵa qatysty Konstıtýtsııalyq zańnamany, tıisti kodekterdi zerdelep shyqqan.
«Saılaý kúninde TMD-nyń 8 elinen 174 baıqaýshy jumys isteıdi. Mıssııa quramynda TMD elderiniń tanymal parlamentarııleri, Ortalyq saılaý komıssııalarynyń basshylary, qoǵam qaıratkerleri, TMD Atqarýshy komıtetiniń qyzmetkerleri, TMD Parlamenttik assambleıasynyń músheleri bar», - dedi ol.
