Saılaý kúni shańyraq kótergen semeılik eki jas daýys berdi

SEMEI. QazAqparat – Abaı oblysynda saılaý kúni shańyraq kótergen jastar óz tańdaýyn jasady, dep habarlaıdy QazAqparat tilshisi.

Saılaý kúni Semeıdegi Neke saraıynda eki jas úlken ómirge qadam basty. Olar dál osy kúni úılenýdi 3 aı buryn josparlaǵan.

«Bizdiń shańyraq kóterýimiz osyndaı aıtýly datamen tuspa-tus kelip otyrǵanyna óte qýanyshtymyz. Osy kúndi Naýryz meıramyna oraılastyryp tańdaǵan edik. Dál saılaý kúnine de túsipti. Keleshekte elimizde saılaý bolyp jatqanda shańyraq kótergen edik dep eske alyp otyramyz. Óz tańdaýymyzdy jasap, daýys berdik», - deıdi erli-zaıypty.

Búgin qala boıynsha 149 saılaý ýchaskesi jumys isteıdi. Onyń ishinde 19-y – jabyq saılaý ýchaskesi. Semeıdegi múmkindigi shekteýli jandar da ózderiniń konstıtýtsııalyq quqyǵyn paıdalanyp, úıde daýys bere alady.

Aıta keteıik, Semeı qalasyndaǵy saılaýshylar tizimine 232 myńnan astam adam engizilgen.