Saılaý kúni Kókshetaýda jolaqy eki esege arzandady
KÓKShETAÝ. QazAqparat - Búgin saılaý kúni Kókshetaýda qoǵamdyq kólikte jol júrý aqysy eki esege arzandady, dep habarlaıdy QazAqparat tilshisi.
«Jeńildik jergilikti turǵyndardyń saıası belsendiligin arttyrý maqsatynda jasaldy», - deıdi avtopark basshylyǵy.
Aıtalyq, Kókshetaýda ádette avtobýsta júrý jolaqysy 80 teńge bolsa, búgin saılaý kúni qalaishilik jolaýshylar tasymalymen aınalysatyn barlyq avtobýs parkteri 40 teńgege arzandatyp otyr.
Aıta keterligi, saılaý kúni elordalyq jáne shymkenttik avtobýstar jolaýshylardy tegin tasymaldaıdy.
Eske sala keteıik, búgin elimiz boıynsha QR Prezıdentiniń saılaýy ótýde. Bul naýqanǵa aqmolalyqtar da belsendi qatysýda. Tańǵy saǵat 08:00-de aımaq basshysy E.Marjyqpaev Kókshetaý qalasynda ózi tirkelgen №1 orta mektepte ornalasqan №8 saılaý ýchaskesine baryp, alǵashqylardyń biri bolyp daýys berdi.
