Saılaý kúni daýys berý nysanyndaǵy ІІM qyzmetkerlerine qandaı mindet júkteledi
Aıta ketsek Aqparat jáne qoǵamdyq damý mınıstrligi Ortalyq saılaý komıssııasymen birge ÚEU akademııasy» bilim berý jobasy sheńberinde saılaýdy baıqaý negizderin túsindirýge arnalǵan semınar ótkizip jatyr. Otyrysqa onlaın rejımde 500-den astam adam qatysýǵa nıet bildirgen. Jıynda saılaýdy baıqaý negizderi túsindirilip jatyr.
«Daýys berý nysanyndaǵy tártipti qamtamasyz etý mindeti ishki ister organdaryna júkteledi. Іshki ister organdarynyń qyzmetkerleri ýchaskelik saılaý komıssııasy tóraǵasynyń shaqyrýymen ǵana daýys berý nysanynda bolýy kerek. Daýys berý nysanynda tártip ornaǵannan keıin ýchaskelik saılaý komıssııasy tóraǵasynyń ótinishi boıynsha birden daýys berý nysanynan shyǵyp ketýi tıis», - dedi Erlan Daýylbaev.
Ortalyq saılaý komıssııasynyń múshesi sonymen qatar saılaýshylardyń saılaý jáne daýys berý bıýlletenin alý tártibin túsindirdi.
«Saılaý bıýlletenin saılaýshylardyń tizimi negizinde azamattyń jeke basyn kýálandyratyn qujatty kórsetken kezde saılaý komıssııasynyń músheleri beredi. Ýchaskelik saılaý komıssııasynyń tóraǵasy men hatshysynyń daýys berýge arnalǵan saılaý bıýlletenin berýge quqyǵy joq. Bıýlletendi alǵannan keıin saılaýshy jeke basyn kýálandyratyn óz qujatyn kórsete otyryp, saılaý bıýlletenin alǵany týraly saılaýshylardyń tizimine qol qoıady. Saılaý bıýlletenin bergen komıssııa múshesi óz tegi jazylǵan tizimge qol qoıady. Ózdigimen bıýlletendi toltyrýǵa múmkindigi joq saılaýshy ózi senetin adamnyń kómegine júgine alady. Oǵan kómektesken adamnyń da aty men tegi atalǵan tizimge engizilýi tıis. BAQ ókilderi, saılaý komıssııasynyń músheleri, baıqaýshylar men máslıhattyń nemese ákimdiktiń ókilderi saılaýshynyń senimdi ókili bola almaıdy», - dedi ol.
