Saılaý kúni qaı qalalarda qoǵamdyq kólik tegin bolady
ATYRAÝ.KAZINFORM - 23 tamyzda ótetin Quryltaı depýtattarynyń saılaý kúni birqatar qalada qoǵamdyq kólik tegin bolady. Al keı óńirlerde belgili bir ýaqyt aralyǵynda ǵana tegin qatynaý múmkindigi jasalmaq.
Resmı málimet boıynsha, Qaraǵandy, Jezqazǵan, Taldyqorǵan, Túrkistan, Aqtóbe, Atyraý, Aqtaý, Pavlodar, Semeı, Kókshetaý jáne Qostanaı qalalarynda saılaý kúni qoǵamdyq kólik tegin bolady.
Qyzylordada qoǵamdyq kólik 07:00-den 13:00 aralyǵynda, al Petropavlda 20:00-ge deıin halyqty aqysyz tasymaldaıdy. Al tarazdyqtar men óskemendikter bul kúni ádettegideı avtobýsqa jol aqysyn tóleýi tıis.
Shymkent, Qonaev jáne Oral qalasy boıynsha qoǵamdyq kóliktiń saılaý kúnindegi tólem tártibi ázirge naqtylanbaǵan.
Aıta keteıik, qoǵamdyq kóliktiń jumys tártibi men jol júrý aqysyna qatysty sheshimdi qalalardyń jergilikti atqarýshy organdary qabyldaıdy.
Eske salaıyq, buǵan deıin quryltaı saılaýyna baılanysty Almaty men Astana qalasynda qoǵamdyq kólik tegin bolatyny habarlanǵan edi.
