Saılaý: QR SІM basshylyǵy Túrki keńesi baıqaýshylarymen kezdesti

NUR-SULTAN. QazAqparat – Búgin Qazaqstan Syrtqy ister mınıstriniń birinshi orynbasary Shahrat Nuryshev QR Parlamenti Májilisine saılaýdy baqylaý úshin kelgen Túrkitildes memleketter yntymaqtastyǵy keńesiniń (Túrki keńesi) baıqaýshylar mıssııasymen kezdesti, dep habarlaıdy QazAqparat.

QR SІM málimetine sáıkes, kezdesý barysynda qonaqtarǵa saılaý naýqany men rásimder týraly aqparat usynyldy. Taraptar Túrki keńesi aıasyndaǵy yntymaqtastyq máselelerin de talqylady.

Túrki keńesi 2009 jyly 3 qazanda Qazaqstan Respýblıkasynyń Tuńǵysh Prezıdenti – Elbasy, Túrki keńesiniń Qurmetti tóraǵasy Nursultan Nazarbaevtyń bastamasymen qurylǵan. Halyqaralyq uıymnyń shtab-páteri Stambýl qalasynda ornalasqan. Qazaqstan, Ázerbaıjan, Qyrǵyzstan, Túrkııa, Ózbekstan uıym músheleri bolyp tabylady, al Majarstan baqylaýshy mártebesine ıe.