Saılaý qorytyndysy halyqtyń QR Tuńǵysh Prezıdentine degen shynaıy qurmeti men seniminiń dáleli boldy - Qazaqstan ǵylymı jurtshylyǵynyń málimdemesi
ASTANA. 5 sáýir. QazAqparat - Aǵymdaǵy jyldyń 3 sáýirinde ótken Qazaqstan Respýblıkasy Prezıdentiniń kezekten tys saılaýynyń qorytyndysy halyqtyń Qazaqstan Respýblıkasynyń Tuńǵysh Prezıdenti Nursultan Nazarbavqa degen shynaıy qurmeti men seniminiń taǵy bir dáleli boldy.
Bul týraly saılaý qorytyndysyna qoldaý bildirgen Qazaqstan ǵylymı jurtshylyǵynyń málimdemesinde aıtylǵan.
Málimdeme mátininde atalyp ótilgendeı, Qazaqstannyń jetistikteri Memleket basshysynyń esimimen tyǵyz baılanysty.
Ǵylymı-tehnıkalyq salany jetildirý týraly Elbasynyń oıy Qazaqstan Respýblıkasynyń «Ǵylym týraly» jańa Zańynda kórinis tapqan.
Qazaqstan ǵalymdary Elbasynyń basshylyǵymen Qazaqstan jańa jeńisterge qol jetkizip, álemdik ǵylymı jetistikter qazynasynan laıyqty oryn alatynyna senim bildiredi.
Biz, búkil Qazaqstannyń ǵylymı jurtshylyǵy atynan Nursultan Nazarbaevty saılaýdaǵy tamasha jeńisimen quttyqtaı otyryp, Otanymyzdyń bolashaǵy úshin aldaǵy ýaqytta da Elbasy saıasatyn qoldaýǵa daıyn ekendigimizdi bildiremiz.
Qazaqstannyń ǵylymı jurtshylyǵy atynan kelgen málimdemege Murat Jurynov, Salyq Zımanov, Seıit Qasqabasov, Sultan Sartaev, Merýert Ábýseıitova jáne Serik Qırabaev qol qoıǵan.
