Saılaý qorytyndysy - Elbasymyzdyń sarabdal saıasatynyń nátıjesi - S. Muqashev
ANA. 6 sáýir. QazAqparat /Marlan Jıembaı/ - Saılaý qorytyndysy - Elbasymyzdyń sarabdal saıasatynyń nátıjesi.
Bul pikirdi búgin elordada kezekten tys Prezıdenttik saılaýdyń qorytyndysyna oraı málimdeme jasaǵan QR Kásipodaqtary federatsııasynyń tóraǵasy Sııazbek Muqashev málim etti.
Saılaýdyń qorytyndysyna maqtanatyndyqtaryn, qýanatyndyqtaryn jetkizgen S.Muqashev oǵan dálel retinde shet elderden Elbasynyń, Kásipodaq uıymdarynyń atyna túsip jatqan jaqsy tilekterdi alǵa tartady. Onyń atap ótýinshe, 2 mıllıon 102 myń múshesi Qazaqstan Kásipodaqtary federatsııasy músheleriniń barlyǵy da saılaýǵa belsene qatysyp, óz tańdaýlaryn jasaǵan.
«Saılaý qorytyndysy Elbasymyzdyń sarabdal saıasatynyń nátıjesi. Elimizdiń sútteı uıyǵan birliginiń arqasy. Biz búgin ultymyzdyń abyroıyna aınalǵan Prezıdentimizben maqtanamyz. El birliginiń osylaı qalyptasqandyǵyna maqtanamyz», - dedi federatsııa tóraǵasy.
Osydan keıin ol kásipodaq federatsııasynyń aldynda turǵan maqsattarǵa toqtaldy. Bul oraıda S.Muqyshev eńbekpen qamtý máselesine jete kóńil aýdaratyndyqtaryn atap ótti. «Bizde 2,5-3 mıllıondaı ózin ózi eńbekpen qamtyp júrgen halyq bar. Biraq Elbasynyń aǵymdaǵy jylǵy Qazaqstan halqyna Joldaýynda kórsetilgendeı, 1,5 mıllıon adam jýyq mańda mamandyq alýǵa tıis. Olardyń kópshiligi bizdiń aýyldaǵy aǵaıyndar, jastar», dep atap ótken ol ózderiniń osyǵan oraı baǵdarlama ázirlep, naqty sharalar belgilep otyrǵandyqtaryn basa aıtty.
