Saılaý komıssııasynyń barlyq otyrystary sýrdoaýdarmamen qamtamasyz etiledi
«Ortalyq saılaý komıssııasynyń barlyq otyrystarynyń onlaın translıatsııasyn sýrdoaýdarmamen qamtamasyz etý boıynsha jańa tájirıbeni engizip otyrmyz. Bul sharalar múmkindigi shekteýli jandarǵa elimizdegi atqarylyp jatqan jumystar men saılaý naýqanyna qatysty keńirek málimet alýǵa yqpal etedi dep úmittenemiz», - dedi K. Petrov «Múgedektigi bar adamdardyń saıası jáne qoǵamdyq ómirge qatysýlary» atty dóńgelek ústel otyrysynda.
Aıta keteıik, 2018 jyly «Qazaqstan Respýblıkasyndaǵy saılaý týraly» Qazaqstan Respýblıkasynyń Konstıtýtsııalyq zańyna alǵash ret múmkindigi shekteýli azamattardyń saılaý quqyqtaryn odan ári qamtamasyz etýge baǵyttalǵan normalar engizildi. https://kaz.inform.kz/news/saylau-uchaskeleri-dauys-beruge-dayyn-ba_a3716913
2019 jyldyń qańtarynda saılaý komıssııalarynyń quramyn qalyptastyrý kezinde qoǵamdyq birlestikterdiń usynysy boıynsha 455 múmkindigi shekteýli azamat komıssııa músheleri bolyp saılandy. Onyń ishinde 6 adam oblystyq, 12 adam – qalalyq jáne aýdandyq, 432 adam ýchaskelik saılaý komıssııalarynyń quramyna endi. Bul rette saılaý komıssııasy múmkindigi shekteýli azamattardyń saılaý quqyqtaryn iske asyrý boıynsha qajetti sharalar qabyldaýy tıis. ıAǵnı, jergilikti atqarýshy organdar saılaý komıssııalaryna osy baǵyttaǵy jumysqa járdemdesýge mindetti. Sondaı-aq, daýys berýge arnalǵan úı-jaıdy jabdyqtaý kezinde, múmkindigi shekteýli azamattardyń saılaýshylardyń kedergisiz qol jetkizýi jáne ondaǵy daýys berýi úshin jaǵdaılar qamtamasyz etilýi qajet.
