Saılaý komıssııasy músheleriniń biliktilikterin arttyrýdy jalǵastyrý kerek - semınar
TANA. 25 qarasha. QazAqparat /Aıdar Ospanalıev/ - «Parlament Májilisi men máslıhat depýtattary saılaýynyń normatıvti-quqyqtyq aktileri sońǵy jyldary aıtarlyqtaı úlken ózgeristerge ushyraǵan joq.
Desek te biz saılaý komıssııalary músheleriniń biliktilikterin arttyrý sharasyn toqtatpaýymyz kerek. Bul rette biz, ásirese tómengi deńgeıdegi saılaý komıssııalarynyń múshelerine basa nazar aýdarýymyz kerek»,-deıdi Ortalyq saılaý komıssııasynyń tóraǵasy Qýandyq Turǵanqulov. Bul týraly ol búgin elordada ótip jatqan Qazaqstan Respýblıkasy Parlamenti Májilisiniń jáne máslıhattarynyń depýtattarynyń saılaýyna ázirlik jáne ony ótkizý máselelerine arnalǵan semınar-keńes barysynda málim etti.
Onyń aıtýynsha, saılaý komıssııasy músheleriniń biliktiligi men saılaýǵa qatysýshylardyń quqyqtyq saýattylyǵynan elimizde saılaý tájirıbesi qanshalyqty talapqa saı ekendigin baıqaýǵa bolady. «Sol sebepti elde ótetin semınarlar men trenıngterge saıası partııalar men qoǵamdyq uıymdardyń, kandıdattar men olardyń senim bildirgen adamdaryn, baıqaýshylardy, buqaralyq aqparat quraldarynyń ókilderi men qyzyǵýshylyq tanytqan memlekettik orandardyń ókilderin shaqyrý kerek»,-dedi Q.Turǵanqulov.
