SAILAÝ: Kókterek jáne Tereńkól aýyldarynyń turǵyndary kıiz úı úlgisindegi kabınalarda daýys bermek
ORAL. QazAqparat - Qaztalov aýdanyndaǵy №257 Kókterek jáne №228 Tereńkól saılaý ýchaskelerine kelgen saılaýshylar kıiz úı úlgisindegi kabınalarda daýys beretin bolady.
Aýdandyq saılaý komıssııasynyń tóraǵasy Nuretden Qutqojınniń aıtýynsha, bul kabınalar sol saılaý ýchaskeleriniń ózderiniń bastamasy boıynsha zańǵa sáıkes jasaqtalǵan. Sonymen qatar basqa ýchaskelerdi de qazaqy oıý-órnekpen bezendirýge mán berildi. Bul daýys berýshi azamattardyń ulttyq rýhty sezinýine septesedi.
Jalpy, aýdanda 48 saılaý ýchaskesinde 17947 saılaýshy tirkelgen. Olar 26 sáýir kúni ótetin prezıdenttik saılaýǵa belsene qatysýǵa bekinip otyr.
Aıta keteıik, oblystyq saılaý komıssııasynan alynǵan málimetke qaraǵanda, óńirde 523 ýchaskede 404465 saılaýshy tizimge engizilgen.
