Saılaý kezinde quqyq buzǵandarǵa aıyppul salynyp, jumystan shettetildi - OSK

ASTANA. QazAqparat – Ortalyq saılaý komıssııasynyń tóraǵasy Nurlan Ábdirov Májilis saılaýynda jáshikterge artyq bıýlletenderdi salyp jiberý faktileri bolǵanyn málimdedi, dep habarlaıdy QazAqparat tilshisi.

«№279 saılaý ýchaskesinde - bul Qaraǵandy oblysy Saran qalasy Aqtas kentinde artyq bıýlletenderdi jáshikterge salyp jiberip jatqany kórsetilgen vıdeo jarııalandy. Bul is zertteldi, prokýratýra organdary onymen aınalysyp, tıisti tulǵalarǵa aıyppul salyndy. Atap aıtqanda, komıssııa tóraǵasy men qoǵamdyq birlestiktiń bir baqylaýshysyna aıyppul salyndy. Sonymen qatar komıssııa tóraǵasy dereý jumystan shettetildi», - dedi ol baspasóz máslıhatynda.

Onyń aıtýynsha, osyndaı quqyq buzýshylyq Almaty oblysy Qarasaı aýdanyna qarasty Іrgeli aýyldyq okrýgindegi №455 saılaý ýchaskesinde tirkelgen. Bul oqıǵaǵdan keıin hatshy men ýchaskelik komıssııanyń múshesine aıyppul salynyp, olar da jumystan shettetilgen.

Buǵan deıin habarlaǵanymyzdaı, saılaý kúni quqyq buzýshylyq jasaǵan 42 adam jaýapqa tartyldy.

Qosa ketsek, búgin OSK Májilis saılaýynyń túpkilikti qorytyndysyn jarııalady. Oǵan saı, Parlamenttiń tómengi palatasyna 6 partııa ótti.