Saılaý Qazaqstanda demokratııalyq jáne quqyqtyq memleket qurý jolynda kezekti ári mańyzdy qadamǵa aınaldy - E. Gýbýshkına
ASTANA. 5 sáýir. QazAqparat /Qanat Mámetqazyuly/ - 3 sáýirde ótken QR Prezıdentiniń kezekten tys saılaýy Qazaqstanda demokratııalyq jáne quqyqtyq memleket qurý jolynda kezekti ári mańyzdy qadamǵa aınaldy.
Búgin Qazaqstannyń Azamattyq alıansynyń málimdemesine oraı «Nur Otan» HDP Ortalyq apparatynda ótken baspasóz máslıhatynda «Úkimettik emes uıymdar - Astana qoldaý ortalyǵy» qory dırektorynyń orynbasary Elena Gýbýshkına osylaı málim etti.
«Ótken jeksenbidegi saılaý qoldanystaǵy zańnama talaptaryna tolyq jaýap beredi. Barlyq úmitkerlerdiń saıası básekelestigi úshin birdeı jaǵdaılar qamtamsyz etildi. Elektorattyń joǵary belsendiligi eldi jáne onyń joǵary saıası mádenıetin basqarýda halyqty naqty tartýdyń aıǵaǵy boldy», - dedi ortalyq ókili. Onyń aıtýynsha, saılaý barysynda úkimettik emes uıymdardyń róli joǵary boldy. Óıtkeni, dál osy uıymdar halyqpen tyǵyz ári tikeleı jumys istep, elektoraldy kezeńde azamattardyń saıası mádenıeti men azamattyq belsendiligin arttyrý boıynsha jumystar atqarǵan. «Jalpy, alǵanda osy saılaý Qazaqstanda demokratııalyq jáne quqyqtyq memleket qurý jolynda kezekti jáne mańyzdy qadamǵa aı naldy»,-dedi E. Gýbýshkına.
Sonymen qatar, Azamattyq alıans qataryndaǵy úkimettik emes uıymdar taratqan málimdemede budan ári de memleketpen syndarly yntymaqtastyqta bolatyny týraly máseleler qamtylyp otyr.
