Saılaý qarsańynda jurtshylyqtyń elektoraldyq belsendilik deńgeıi artýda
ASTANA. 6 qańtar. QazAqparat /Qanat Mámetqazyuly/ - Saılaý naýqany barysynda Qazaqstandaǵy elektoraldyq belsendilik deńgeıiniń joǵarylaǵany baıqaldy.
Úgit naýqany jańa bastalǵan kezeńde elektoraldyq belsendilik deńgeıi shamamen 67,2 paıyzdy qurasa, naýqan aıaǵyna taman bul kórsetkish 77,5 paıyzdy qurap, saılaýshylar belsendiligi artqanyn kórsetti. Bul týraly búgin saılaý naýqany boıynsha ózderiniń zertteý qorytyndylaryn jarııalap, baspasóz máslıhatyn ótkizgen Áleýmettik saıası zertteýler ınstıtýtynyń dırektory Aıgúl Sádýaqasova málimdedi.
Esterińizge sala keteıik, bul atalǵan ınstıtýttyń saılaý naýqany barysynda júrgizgen ekinshi zertteý jumysy bolyp tabylady. Instıtýt dırektorynyń aıtýynsha, saýalnamalyq zertteý sharasyna elimizdiń barlyq óńirleri men Astana jáne Almaty qalalarynan 2 myńǵa tarta respondent qatysty. 2011 jyldyń 27 jeltoqsan aıy men 2012 jyldyń 3 qańtary arasynda júrgizilgen zertteýge aýyldyq jáne qalalyq respondentter de tartyldy.
«Zertteýdiń ekinshi ólshem nátıjeleri boıynsha, biz jurtshylyqtyń elektoraldyq belsendilik deńgeıiniń artýyn baıqadyq. Úgit naýqany bastalǵan kezeńde qatysýshylardyń 67,2 paıyzy saılaýǵa baratynyn resmı málimdegen bolsa, búgin kórsetkish 77,5 paıyzdy qurady. ıAǵnı, bul saılaýshylar belsendiliginiń 10,3 paıyzǵa artqanyn kórsetedi», - deıdi A. Sádýaqasova.
Elimizdiń barlyq óńirlerinde júrgizilgen saýalnamaǵa qatysýshylardyń áleýmettik-demografııalyq parametrlerine kelsek, suralǵandardyń 46,4 paıyzy er jáne 53,6 paıyzy áıelderdi qurady. 49,7 paıyzy qazaqtar bolsa, 38,1 paıyzy orystar, 12,2 paıyzy elimizde turyp jatqan basqa ult ókilderi bolyp tabylady.
Respondentterdiń jas erekshelikteri boıynsha 18-29 jas aralyǵyndaǵylar 24,3 paıyzdy, 30-45 jas aralyǵyndaǵylar - 34,4 paıyzdy, 46-60 jas aralyǵyndaǵylar - 24,3 jáne 61 jastan joǵarylar - 17 paıyzdy qurady.
Suralǵandardyń 0,9 paıyzynyń bastapqy bilimi bar bolsa, aıaqtalmaǵan orta bilimdiler - 3,9, orta bilimdiler - 33,8, kásibı-tehnıkalyq bilimi barlar - 24,7 paıyzdy quraǵan. Sondaı-aq, saýalnama qatysqandardyń 30,5 paıyzynyń bilimi joǵary jáne ǵylymı dárejeleri bar bolyp otyr.
