Saılaý qarsańynda jeke kýálikti qysqa merzimde alýǵa bolady
ASTANA. QazAqparat - Astana qalasynyń Kóshi-qon polıtsııasy QR azamattaryna tólqujat pen jeke kýálikti jedel rásimdeý boıynsha jumysty qolǵa aldy, dep jazady astana.gov.kz.
Atalmysh jumys Qazaqstan Respýblıkasynyń Prezıdentin saılaýǵa qatysý boıynsha elimizdiń azamattarynyń konstıtýtsııalyq quqyqtaryn iske asyrý maqsatynda júrgizilýde.
Búgin Astana qalasy ІІD «Almaty» aýdandyq ІІB 18 turǵynǵa saltanatty túrde jeke kýálik tabys etildi.
Astana qalasy Kóshi-qon polıtsııasynyń basshysy Gúlvıra Dónenbaevanyń aıtýynsha, jeke kýálik bir aıdyń ishinde rásimdeledi, alaıda, qazirgi ýaqytta bul ýaqyt barynsha qysqartylyp, azamattyqty anyqtaý bir aıdan 7-15 kúnge deıin qysqartylsa, jeke kýálik daıyndaý jedel daıyndaý tóleminsiz bir aptada júzege asyrylady. Budan bólek, qujattardy rásimdeý jáne berý demalys kúnderi de júrgiziledi.
Ústimizdegi jyldyń sáýir aıynyń basynan beri 16 jasqa tolǵan jáne odan asqandar úshin 50 artyq QR azamattyǵy rásimdelgen.
2015 jyldyń birinshi toqsanynda kóshi-qon polıtsııasynyń qyzmetkerleri 20 748 azamatqa jeke kýálik rásimdegen.
