Saılaý: Qaraǵandy oblysynda koronavırýsqa shaldyqqandar qalaı daýys beredi
Algorıtmdi Qaraǵandy oblysynyń bas sanıtarlyq dárigeri - Sanıtarlyq-epıdemıologııalyq baqylaý departamenti basshysynyń orynbasary ıÝrıı Zalygın túsindirdi.
«Úıde emdelýine baılanysty ózin-ózi oqshaýlaý rejımi belgilengen nemese KVI-ge baılanysty karantınde júrgen saılaýshylar ol týraly saılaý komıssııasyna habarlaýǵa mindetti. Saılaý komıtetiniń múshesi úıde daýys berý týraly ótinishti qabyldaı otyryp, ózin-ózi oqshaýlaý rejımi nusqamasynyń bar-joǵyn anyqtap, sanıtarlyq qaýipsizdik sharalarynyń saqtalýyn túsindirýi tıis», - dedi ıÝrıı Zalygın oblys ákimdiginde ótken keńeste.
Saılaý komıssııasynyń músheleri naýqastanǵandarǵa barýy úshin jeke qorǵaný quraldarymen: birrettik halat, maska jáne qolǵaptarmen, antıseptıkpen qamtamasyz etiledi.
Saılaý komıtetiniń músheleri páterge nemese úıge kirmeıdi. Daýys berý baılanyssyz túrde ótedi: ótinish pen bıýlletenderdi naýqasqa berip jiberip, týra solaı keri alady. Osydan keıin bıýlletender tasymaldanatyn jáshikke salynady.
Komıssııa músheleri ýrnanyń tutqalary men betin mindetti túrde zararsyzdandyrýy kerek. Saılaý komıtetiniń músheleri paıdalanǵan maskalar men qolǵaptar odan ári joıylýǵa jiberiledi. Muny isteý úshin olardy dereý sheship, jabylatyn konteınerge salý kerek.
ıÝrıı Zalygın sonymen qatar SOVID-19 patsıentterin emdeý úshin aýrýhanalarda daýys berý qalaı uıymdastyrylatynyn aıtty.
Statsıonarǵa kelgen saılaý komıtetiniń músheleri obaǵa qarsy kostıým kıip, qorǵanys quraldarymen qamtamasyz etilýi tıis. Olar naýqastarmen baılanysta bolmaıdy. «Qyzyl aımaqqa» medıtsınalyq qyzmetkerler ótinishter men bıýlletenderdi engizedi. Daýys berý aıaqtalǵannan keıin ýrna dezınfektsııalaýshy quralmen jáne ýltrakúlgin sáýlemen zalalsyzdandyrylady.
