Saılaý qalypty jaǵdaıda ótip jatyr - Nurlan Óteshev
«Baıqaýshylarymyz eń birinshiden saılaýshylardyń sanynyń kóbeıip jatqanyn jetkizip jatyr. Ol endi túsinikti. Tús aýyp barady. Túski saǵat 12.00-degi jaǵdaı boıynsha saılaýshy halyqtyń 30 paıyzǵa jýyǵy saılaýǵa qatysqany týraly málimet taraǵany belgili. Ekinshiden, birneshe aýmaqta, onyń ishinde Almaty, Shymkent qalasy men ShQO-da birqatar baıqaýshynyń óz telefondarymen áleýmettik jeliler arqyly tikeleı efırge shyqqany anyqtalyp otyr. Ol da Ortalyq saılaý komıssııasynyń erejelerine qaıshy», - dedi Nurlan Óteshev Saılaýdy beıpartııalyq baıqaý ortalyǵynda tilshilerdiń suraǵyna jaýap bere otyryp.
Onyń aıtýynsha Beıpartııalyq saılaýdy baıqaý ortalyǵynyń málimetine sáıkes, qazir elde aıtarlyqtaı buzýshylyqtar tirkelip jatqan joq.
«Halyqtyń arasynda jeke kýáligin úıinde umytyp ketip, saılaý ýchaskesine kirgisi kelip jatqandar bar. Bolmasa bir ýchaskede qujattardy alyp, basqasyna kirip jatqandar bar. Ondaı jaǵdaılar saılaý protsesine asa qatty áser etpeıdi degen oıdamyz. Saılaý bitkennen keıin biz de esep berip, ony jarııa etemiz», - dedi ol.
