Saılaý halyqaralyq standarttarǵa saı ótti - TMD PA halyqaralyq baıqaýshylary

ASTANA. QazAqparat - TMD elderiniń Parlamentaralyq Assambleıasy atynan kelgen baıqaýshylar Qazaqstandaǵy saılaýaldy kompanııasyna tolyq monıtorıng júrgizdi. Bul týraly búgin Astanada TMD elderiniń Parlamentaralyq Assambleıasy atynan halyqaralyq baıqaýshylar tobynyń úılestirýshisi, Tájikstan ǵylym akademııasynyń prezıdenti Farhod Rahımov málim etti.

«TMD elderiniń Parlamentaralyq Assambleıasy atynan búgin saılaý úderisin baıqap otyrdyq. Atap aıtqanda, biz eń úlken delegatsııa retinde kelip otyrmyz. Delegatsııa quramynda Ázerbaıjan, Armenııa, Qyrǵyzstan, Reseı, Moldova jáne Tájikstan elderinen 28 baıqaýshy qamtyldy. Senat saılaýynyń kýágerleri retinde osy úderiske bizdiń sarapshylar toby saılaýaldy kompanııasyna monıtorıng júrgizip, tolyq taldaý jasady. Bizdiń qorytyndy eseptik qujatta saılaý halyqaralyq standarttarǵa, Qazaqstan zańnamasyna saı ótkendigi atap ótildi», - dedi F.Rahımov. Osy oraıda ol Senat saılaýy ádil ári ashyq ótkendigin jáne delegatsııa tarapynan eshqandaı eskertý joq ekenin atap ótti. Esterińizge sala keteıik, búgin elimizdiń barlyq óńirinde QR Parlamenti Senatynyń depýtattaryn saılaý boıynsha daýys berý ótti. Daýys berý bıýlletenderine QR Parlamenti Senatynyń depýtattyǵyna tirkelgen 39 kandıdattyń tegi engizildi. Astana ýaqytynyń saǵat 11-degi jaǵdaı boıynsha tańdaýshylardyń barlyq otyrystary ashyldy. Qazirgi ýaqytta aldyn ala málimetter boıynsha elimizdiń óńirlerinen daýystardyń basym bóligin jınaǵan kandıdattardyń esimderi belgili bola bastady.