SAILAÝ: Elordalyq máslıhat depýtattary ýchaskelik komıssııa quramyn bekitti
ASTANA. QazAqparat - Astanada máslıhat sessııasy barysynda depýtattar «Astana qalalyq ýchaskelik saılaý komıssııasy múshelerin saılaý», «Astana qalasy máslıhatynyń saılaý komıssııalaryn qurý boıynsha keıbir sheshimderge ózgerister engizý» máselelerin qarastyrdy, dep habarlaıdy astana.kz.
Elordalyq máslıhat apparatynyń basshysy Vera Pyteva sessııaǵa qatysýshylardy «Qazaqstan Respýblıkasyndaǵy saılaýlar týraly» Konstıtýtsııalyq Zańyna sáıkes saılaý ýchaskelerin qurý ákimniń ókilettiliginde, saılaý komıssııalaryn qurý máslıhattyń ókilettiliginde ekendiginen habardar etti. Astana qalasy ákiminiń jańa №255 saılaý ýchaskesin qurý týraly sheshiminiń nátıjesinde ýchaskelik komıssııa qurý qajettiligi týyndady. Ýchaskelik saılaý komıssııasynyń quramyna jeti adam kiretinin jáne jeti úmitker usynylǵanyn esepke ala otyryp, depýtattar №255 saılaý ýchaskesiniń quramyn biraýyzdan bekitti. Budan bólek, Vera Pyteva depýtattarǵa saılaý komıssııasynyń 32 múshesinen ár túrli sebeptermen mindetinen bosatý týraly ótinish kelip túskenin aıtty. Sessııaǵa aýdandyq saılaý komıssııalarynyń músheleri men buqaralyq aqparat quraldarynyń ókilderi qatysty.
