Saılaý ekonomıkalyq turǵyda da, saıası turǵyda da paıda ákeledi - L. Qusaıynova

ASTANA. QazAqparat - Parlament Májilisiniń jáne barlyq deńgeılerdegi depýtattaryn kezekten tys saılaýyn ótkizý ekonomıkalyq turǵyda da, saıası turǵyda da paıda ákeledi, dep esepteıdi Qazaqstan xalqy Assambleıasynyń Astana qalasyndaǵy hatshylyǵynyń basshysy Lázzat Qusaıynova.

«QHA atynan saılanatyn Májilis depýtattary Assambleıa Keńesimen usynylady, bul onyń quzyrynda. Al daýysty QHA músheleri beredi. Osyǵan baılanysty QHA-nyń 24-sessııasy ótetindigi jóninde xabarlandy. Sonyń qarsańynda daýys berý bolady. Sessııa barysynda QHA atynan saılanatyn tulǵalar jarııalanady», - dedi ol QHA Astana qalasyndaǵy ǵylymı-sarapshylyq tobynyń otyrysynda.

Onyń oıynsha, saılaý ótkizý jónindegi sheshim saıası jáne ekonomıkalyq turǵyda ózin aqtaıtyn bolady.

«Parlament Májilisiniń kezekten tys saılaýyn ótkizý týraly QR Prezıdentiniń Jarlyǵy bizdiń elde eń basty basymdyq - turaqtylyq, kelisim jáne álemde oryn alyp jatqan qıynshylyqtardy eńserý ekendigin kórsetti. Bul sheshimdi qabyldaý ońaı bolǵan joq, degenmen ol saıası turǵyda da, ekonomıkalyq turǵyda da paıda ákelýge baǵyttaldy», - dedi L. Qusaıynova.

«Menińshe, elektoraldy úderis tynysh jáne qajetti rejımde ótedi. Bul oqıǵa bıylǵy jyldyń ataýly saıası oqıǵa retinde ǵana este qalmaıdy, sonymen qatar biz kútken jetistikterge alyp keledi», - deıdi ol.