Saılaý: Daırabaev pen Qajyken til emtıhanynan qandaı baǵa aldy

ASTANA. QazAqparat – QR Ortalyq saılaý komıssııasynyń sheshimimen qurylǵan lıngvıstıka komıssııasynyń tóraǵasy Ádil Ahmetov pen onyń múshesi Dıhan Qamzabek prezıdenttikke úmitkerler Jıgýlı Daırabaev pen Meıram Qajykenniń til emtıhanyn qalaı tapsyrǵanyn aıtty, dep habarlaıdy QazAqparat tilshisi.

«Úmitkerlerdiń jazba jumysy kserokóshirme arqyly kóbeıtilip, komıssııanyń ár múshesine taratyldy. Árqaısysy óziniń tapqan qateleri bolsa, belgilerin qoıady. Sol boıynsha eń sońynda qorytyndy jasalady. Ekeýine de «memlekettik tildi erkin meńgergen» degen qorytyndy shyǵaryldy». Al bes baldyq júıemen baǵalasaq, menińshe, birinshi tapsyrǵan úmitker «4», ekinshisi «5» degen baǵa aldy», - dedi komıssııa tóraǵasy Ádil Ahmetov.

Komıssııa múshesi Dıhan Qamzabektiń de pikiri osyǵan uqsas boldy.

«5 baldyq júıemen baǵalasaq, Meıram Qajyken myrzaǵa «-4», Jıgýlı Daırabaev myrzaǵa «-5» degen baǵa qoıar edim. Biraq bul meniń jeke pikirim. Bul jerde sheshim ujymdyq negizde qabyldanady. Tildi ıdealdyq deńgeıde bilý degen fılologtardyń ǵana jetetin jetistigi ǵoı. Sondyqtan saýattylyǵy, mazmuny, oıy, usynǵan tujyrymdamasy eskerildi. Til turǵydan kelgende ekeýi de óz údesinen shyqty, óz bıiginen kórindi dep esepteımiz», - dedi komıssııa múshesi Dıhan Qamzabek.