Saılaý bıýlletenindegi «Barlyǵyna qarsymyn» baǵany túpki nátıjege áser ete me

ASTANA. QazAqparat - Ortalyq saılaý komıssııasy QR Pezıdenti saılaýy bıýlleteninde bolatyn barlyq kandıdatqa qarsy daýys berý múmkindigin túsindirdi, dep habarlaıdy QazAqparat tilshisi.

«Barlyq kandıdattarǵa qarsy daýys berý arqyly azamattar óz tańdaýyn bildire alady. Degenmen qarsy daýysqa qaramastan 50 paıyzdan astam daýys jınaǵan kandıdat jeńimpaz bolady. Eger birinshi týrda nátıje naqty bolmasa, onda qaıta daýys beriledi. Sodan keıin kópshiliktiń daýsyn jınaǵan eki kandıdat saılaýǵa jiberiledi. Odan ári sol ekeýi synǵa túsedi», - dedi ortalyq saılaý komıssııasynyń múshesi Shavkat Ótemisov.

Onyń aıtýynsha, Ortalyq saılaý komıssııasy Qazaqstannyń qoldanystaǵy zańnamasy aıasynda jumys isteıdi.

«Biz zań shyǵarýshy organ emespiz. ıAǵnı, bizdiń Parlament osyndaı zań qabyldasa, demek biz oǵan súıenýimiz qajet. Al barlyq kandıdatqa qarsy shyqqandardyń daýsy nege eskerilmeıtinine keletin bolsaq, bul - azamattardyń óz qalaýyn bildirý múmkindigi, daýys berýshiniń kandıdattarǵa degen qarym-qatynasy», - deıdi ol.

Eske sala ketsek, 20 qarashada bolatyn prezıdent saılaýy bıýlletenderinde «Barlyǵyna qarsymyn» grafasy bolady. ıAǵnı saılaýshylar barlyq kandıdatqa qarsy daýys bere alady.

Buǵan deıin QR Prezıdenti saılaýyna qatysatyn kandıdattarǵa qol jınaý paraǵyn berý ýaqytynyń qysqarǵanyn habarlaǵan edik.