Saılaý bizdiń saıası júıemizdi jańartýǵa tıis – Ásel Áben

ALMATY. QazAqparat - QR Prezıdenti janyndaǵy Qazaqstan strategııalyq zertteýler ınstıtýty Almaty qalasyndaǵy ókildiginiń basshysy Ásel Áben aldaǵy Parlament Májilisi men máslıhattar saılaýyna qatysty pikirin bildirdi, dep habarlaıdy QazAqparat tilshisi.

«Aldaǵy parlamenttik saılaý biz úshin óte mańyzdy, óıtkeni bul Qazaqstannyń saıası júıesinde júrgizilgen reformalarǵa baılanysty jasap jatqan jańa qadam. Halyq bul saılaýdan kóp nárse kútedi. Endi saıası partııalardyń baǵdarlamasynyń qalaı jańaryp, básekelestiktiń kúsheıip jatqanyn kórip otyrmyz. Saılaý aralas saılaý júıesi boıynsha ótedi, bir mandatty depýtattar belsendi. Jalpy, saılaý júıemizdi jańartyp, elimizdiń damýy úshin jańa ıdeıalardy usynýy kerek dep oılaımyn», - dedi ol.
Ol saılaýda saıası partııalar ǵana emes, bir mandatty depýtattar da belsendirek bolady dep esepteıdi.
«Óz ıdeıalary men damý baǵdarlamalaryn ilgeriletetin jalǵyz múshelerdi qadaǵalaý óte qyzyqty bolady. Munda úlken báseke bolady», - dep qosty spıker.
Buǵan deıin Memleket basshysy Májilis pen máslıhat depýtattarynyń kezekten tys saılaýyn taǵaıyndaý týraly málimdeme jasaǵan edi.
Aıtýynsha, májilistiń jáne máslıhattardyń kezekten tys saılaýy – konstıtýtsııalyq reformanyń jalǵasy.
Eske salaıyq, Májilis pen máslıhat depýtattaryn saılaý bir kúnde – 19 naýryzda ótedi.