Saılaý barysyna qatysty eshbir eskertpe joq - Sh.Tarpışev
ASTANA. QazAqparat - Saılaý barysyna qatysty eshbir eskertpe joq. Bul týraly búgin brıfıngte RF Tennıs federatsııasynyń prezıdenti, TMD baqylaýshylar mıssııasynyń múshesi Shámil Tarpışev málim etti.
«Men búgin 9 saılaý ýchaskesinde boldym. Ondaǵy adamdardyń sanynan jańylysýǵa bolady. Adamdar óte jyly qarsy alýda. Men saılaýshylardyń óz balalarymen kelip jatqanyn kórdim. Bul tań-tamasha áser qaldyrdy. Halyq saılaýǵa qýana baratyny kórinip tur. Bul saılaýshylar qalada jasalyp jatqan ıgilikterdi joǵary baǵalaýda degen sóz, bul respýblıkadaǵy damýǵa senimmen qaraýdyń kórsetkishi. Qandaı da bir eskertpelerim joq. Kóbisi meni tanyp jatyr, birge sýretke túsýdi suraıdy. Bul men úshin qyzyq, biraq meniń mıssııam basqa búgin. Qazaqstandyqtardy osyndaı jetistikterge jetkenderine quttyqtaý aıtamyn. Bolashaqta damý áleýetiniń joǵary ekeni daýsyz», - deıdi ol.
Onyń aıtýynsha, Qazaqstan táýelsizdik alǵaly beri kóp ózgergen. Al Astana Ortalyq Azııanyń marjandarynyń biri bolyp boı kótergendeı.
«Keńes dáýirinen beri men Qazaqstandy óte jaqsy bilemin. Almatyda jylyna eki ret oqý-jattyǵý jıyndaryn ótkizip turatynmyn. Mende munda dostarym óte kóp. Astana qazirgi ýaqytta Qazaqstannyń damý deńgeıiniń keremet kórsetkishi ispettes. Bul qalada óte tamasha ózgerister oryn aldy», - dep túıdi oıyn Sh.Tarpışev.
