Saılaý asa saýatty túrde ótip jatyr - Eýropa Parlamenti depýtaty
ASTANA. QazAqparat -Qazaqstandaǵy Prezıdent saılaýy óte saýatty ótip jatyr. Búgin elimizde ótip jatqan kezekten tys Prezıdent saılaýyna oraı ótken baspasóz máslıhatynda Eýropa Parlamentiniń Ortalyq Azııa boıynsha delegatsııa basshysy, Latvııanyń Eýropa Parlamentindegi depýtaty Iveta Grıgýle osylaı aıtty.
Brıfıng barysynda Eýropa Parlamentiniń saılaýǵa qatysty birqatar ýchaskelerdi aralaǵanyna toqtalyp, ondaǵy úlken belsendilikke tánti ekenin jetkizdi. «Eýropa jurtshylyǵy arasynda mundaı belsendilik baıqalmaıdy. Qazaqstandaǵy jaǵdaı bizdi qýantty. Jalpy, Qazaqstandaǵy saılaý qazaqstandyqtar úshin eldiń damýy turǵysyndaǵy ótken kezeńderge kóz júgirtip, oı qorytatyn qandaı da bir esep berý ótkeli sekildi. Bul shynymen solaı. Halyq bolashaǵyna alańdaıdy, turaqtylyqty qoldaıdy. Sondyqtan da, meniń oıymsha, búgingi kúni aldaǵy birneshe jyldarǵa arnalǵan esep berý pýnkti sekildi», - dedi ol.
Eýropalyq depýtattyń aıtýynsha, delegatsııa monıtorıng jumysyn keshke deıin jalǵastyrmaq nıette. «Iá, alda jumystar barshylyq. Degenmen, aıta keteıin, bári de saýatty túrde júrip jatyr», - dedi Iveta Grıgýle.
