Saılaý: Almatyda jalpyqalalyq baspasóz ortalyǵy ashyldy

ALMATY. QazAqparat - 10 qańtarda Qazaqstan Respýblıkasy Parlamenti Májilisi men máslıhat saılaýy ótedi. Saılaýdyń ótý barysy týraly jedel aqparat taratý maqsatynda Almatyda jalpyqalalyq baspasóz ortalyǵy ashyldy, dep habarlaıdy QazAqparat tilshisi.

Baspasóz ortalyǵy jumysynyń qaǵıdattary - Almatydaǵy saılaý barysy týraly qalyń jurtshylyqty birinshi kezekte habardar etýdegi obektıvtilik pen jedeldik jáne bedeldi saraptama.

Ortalyq baqylaýshylar men BAQ ókilderin yntymaqtastyqta jumys isteýge shaqyrady.

Barlyq otandyq jáne halyqaralyq baqylaýshylar 1308, [phone] (WhatsApp) nómirleri boıynsha jáne [e-mail]. kz. elektrondyq mekenjaıy arqyly baspasóz konferentsııalaryn ótkizýge ótinish bere alady.

Baspasóz ortalyǵynda jýrnalısterdiń jedel jumys jasaýy úshin barlyq jaǵdaılar jasalǵan.

Baspasóz ortalyǵy zamanaýı tehnıkamen jáne kompıýtermen, ınternetke shyǵý jáne wi-fi-ǵa qosylý múmkindigi bar 40-qa jýyq jumys ornymen jabdyqtalǵan.

Beınekonferentsııa baılanys rejıminde jáne Zoom platformasynda beınetranslıatsııa júrgizýge múmkindik bar.

Jalpyqalalyq baspsóz ortalyǵy «Qazaqstan» qonaq úıinde, «Altyn Emel» zaly, 1-qabatta ornalasqan.

Suraqtar boıynsha [phone] nómirine habarlasýǵa bolady.