Saılaý aldyndaǵy protsestiń zańdylyǵyn qansha zańger baqylap otyr
«Zańgerler ádil saılaý úshin» respýblıkalyq qoǵamdyq birlestigine Qazaqstan boıynsha 3 myńǵa jýyq adam kirip otyr, onyń basym bóligi jastar. Jas zańgerler osy protseske qatysýǵa nıet tanytty. Biz saılaý protsesi boıynsha, sondaı-aq zańsyz is-qımyldarǵa shaǵym túsirýge qatysty túsinik beremiz», - dedi Qazaqstan Zańgerler odaǵynyń tóraǵasy Serik Aqylbaı tilshilermen bolǵan kezdesýde.
Osy oraıda ol respýblıkalyq qoǵamdyq birlestik kómegine kez kelgen adam júgine alatyndyǵyn aıtty.
«Saılaý naýqanyna qatysty kez kelgen adamǵa qoıylǵan saýal boıynsha keńes bere alamyz. Bizge kandıdattardyń ózderi de kelip, keńes alýyna bolady», - dedi S. Aqylbaı.
Aıta keteıik, «Zańgerler ádil saılaý úshin» RQB saılaý aldyndaǵy protseste zańdy is-qımyldardyń monıtorıngi úshin arnaıy qurylǵan bolatyn.
