Saılaý aldyndaǵy pikirsaıystarda partııalarǵa teń múmkindik beriledi - OSK

NUR-SULTAN. QazAqparat - Saılaý aldyndaǵy saıası partııalardyń televızııalyq pikirsaıystary «Habar» telearnasynda tikeleı efırde ótedi. Bul týraly QR OSK múshesi Erlan Daýylbaev aıtty, dep habarlaıdy QazAqparat tilshisi.

«Debat «Habar» telearnasynda tikeleı efırde ótedi. Reglament bekitildi, ol boıynsha barlyq partııalarǵa birdeı ýaqyt beriledi. Osy oraıda naqty bir partııalarǵa artyqshylyq berilmedi», - dedi E. Daýylbaev onlaın rejımdegi baspasóz máslıhatynda.

Belgili bolǵandaı, telearnadaǵy pikirtalasqa reglament boıynsha 80 mınýt berilgen.

Budan buyn habarlanǵandaı, 2020 jylǵy 30 jeltoqsanda saıası partııalardyń saılaý aldyndaǵy televızııalyq pikirsaıysy ótedi.

Aıta keteıik, Ortsaılaýkom múshesi Anastasııa Şegortsova partııalar atynan saılaý aldyndaǵy pikirsaıystarǵa kimder qatysatynynyn jarııalady.