Saılaý: Aıda Balaeva óz tańdaýyn jasady
Prezıdent Ákimshiligi basshysynyń orynbasary óz tańdaýyn elordada №111 saılaý ýchaskesinde jasady.
Atalǵan saılaý ýchaskesi jumysyn tańǵy saǵat 07:00-de bastady jáne onda 2744 daýys berýshi tirkelgen.
Aıta keteıik, buǵan deıin atalǵan saılaý ýchaskesinde Premer-Mınıstr Álıhan Smaıylov daýys bergen edi.
Sondaı-aq, Memlekettik keńesshi Erlan Qarın de №111 saılaý ýchaskesinde óz tańdaýyn jasady.
Odan bólek, dál osy saılaý ýchaskesinde Senat tóraǵasy Máýlen Áshimbaevtyń daýys bergenin habarlaǵan bolatynbyz.
«Saılaýda bir mandatty okrýgter kandıdattary jáne ózin-ózi usynǵandar arasynda báseke asa joǵary. Bul Memleket basshysy qabyldaǵan saıası reformalardyń ózektiligi men ýaqytyly ekendiginiń kórinisi. Májilis jáne máslıhattar depýtattary saılaýyn zań talaptary men halyqaralyq standarttarǵa sáıkes ótedi dep senemin. Búgingi naýqan barysyn halyqaralyq uıymdardyń baıqaýshylary qadaǵalap jatyr. Barshany saılaýda óz tańdaýyn jasaýǵa shaqyramyn. Bıliktiń qaınar kózi – halyq. Halyqtan joǵary eshkim tura almaıdy. Biz saılanǵan Májilis depýtattarymen qoıan-qoltyq jumys isteýge daıynbyz», - dedi M. Áshimbaev BAQ ókilderine suhbat bere turyp.
