Saılaý ádil jáne ashyq bolatynyna eshqandaı kúmán joq - Senat tóraǵasy
ASTANA. QazAqparat - QR Parlamenti Senatynyń Tóraǵasy Qasym-Jomart Toqaev Astanadaǵy №100 saılaý ýchaskesinde Májilis depýtattarynyń kezekten tys saılaýy men qalalyq Máslıhat depýtattarynyń kezekti saılaýynda daýys berdi.
Jýrnalısterdiń saýaldaryna jaýap bere kelip, Q.Toqaev álemdegi qubylmaly jaǵdaıda ótip otyrǵan saılaýdyń tarıhı mańyzyn atap ótti. Spıkerdiń aıtýynsha, Prezıdent N.Nazarbaevtyń sarabdal saıasatynyń arqasynda Qazaqstanda turaqtylyq jáne bolashaq kúnge senim bar. "Sondyqtan osy saılaýdy paıdalanyp, bárimiz bir el bolyp, bizdiń kemeldiligimizdi, turaqtylyǵymyzdy búkil álemge pash etýimiz kerek. Saılaý ádil jáne ashyq bolatynyna eshqandaı kúmán joq", - dedi Q.Toqaev.
