Saılaý-2026: daýys berý úshin esepten shyǵarý kýáligin qalaı alýǵa bolady
ASTANA. KAZINFORM — 23 tamyzdaǵy Quryltaı saılaýynda tirkelgen jerinde bolmaıtyn azamattar kez kelgen ýchaskede daýys bere alady, dep habarlaıdy Astana ákimdiginiń resmı saıty.
Ákimdiktiń málimetinshe, esepten shyǵarý kýáligi arqyly daýys berý — saılaý kúni turaqty tirkelgen jerinen tys jerde bolatyn azamattarǵa Qazaqstannyń kez kelgen saılaý ýchaskesinde óz tańdaýyn jasaýǵa múmkindik beretin rásim.
— Ol úshin azamat ózi tirkelgen ýchaskelik saılaý komıssııasyna jazbasha ótinish berýi qajet. Ózimen birge jeke kýáligi nemese tólqujaty bolýy tıis. Sondaı-aq kýálikti senim bildirilgen ókil arqyly da alýǵa bolady. Bul jaǵdaıda notarıaldy kýálandyrý talap etilmeıdi, — delingen habarlamada.
Esepten shyǵarý kýálikteri saılaýǵa 15 kún qalǵanda berile bastaıdy jáne daýys berý kúnine deıingi kúngi saǵat 18:00–de toqtatylady.
Saılaý kúni azamat Qazaqstan aýmaǵyndaǵy ózi tańdaǵan saılaý ýchaskesine baryp, esepten shyǵarý kýáligi men jeke basyn kýálandyratyn qujatyn kórsetýi qajet. Osydan keıin ol saılaýshylar tizimine engizilip, daýys berý bıýlleteni beriledi.
Buǵan deıin Astanada Quryltaı depýtattarynyń saılaýyna deıingi keri sanaq iske qosylǵanyn jazǵanbyz.
