Saılaý-2022: Teledebat kezinde qandaı taqyryptardy talqylaýǵa bolmaıdy

ASTANA. QazAqparat – QR Ortalyq saılaý komıssııasy 11 qarashada ótetin kandıdattardyń saılaýaldyndaǵy televızııalyq pikirsaıysynda qandaı máselelerdi talqylaýǵa bolmaıtynyn túsindirdi, dep habarlaıdy QazAqparat tilshisi.

QR Ortalyq saılaý komıssııasynyń múshesi Anastasııa Şegortsovanyń atap ótýinshe, OSK tarapynan 2022 jylǵy 20 qarashaǵa belgilengen kezekten tys prezıdent saılaýynda saılaý aldyndaǵy televızııalyq pikirsaıystar men pikirtalastardy ótkizý reglamenti kelisilgen.

«Saılaý aldyndaǵy televızııalyq pikirtalastardy ótkizý barysynda konstıtýtsııalyq qurylysty kúshtep ózgertýdi, Qazaqstan Respýblıkasynyń tutastyǵyn buzýdy, memleket qaýipsizdigine nuqsan keltirýdi, áleýmettik, násildik, ulttyq, dinı, tektik-toptyq, tektik alaýyzdyqty, zorlyq-zombylyq qatygezdigine tabynýdy qozdyrýdy, sondaı-aq zańnamada kózdelmegen áskerılendirilgen quralymdardy qurýdy nasıhattaýǵa jáne úgitteýge jol berilmeıdi. Bul osy pikirtalastarda talqylaýǵa qoıylatyn jalǵyz shekteý ǵana. Qalǵanynyń bári, ıaǵnı zań aıasynda kez kelgen suraqtar qoıylýy múmkin», - dedi Anastasııa Şegortsova.

Aıta keteıik, búgin Ortalyq saılaý komıssııasynyń otyrysynda 20 qarashada ótetin prezıdent saılaýyna kandıdattardyń pikirsaıysynyń reglamenti men qatysýshylar tizimi bekitilgen edi.

Foto: pistolentraining.de