Saılaý-2022: Saltanat Tursynbekova Almatyǵa bardy

ALMATY. QazAqparat - Prezıdenttikke kandıdat Saltanat Tursynbekova saılaýshylarmen kezdesý úshin Almatyǵa bardy. Búgin ol tutynýshylardyń quqyqtaryn qorǵaý máseleleri boıynsha almatylyqtarmen kezdesý ótkizdi. Bul týraly QazAqparat kandıdattyń shtabyna silteme jasaı otyryp habarlaıdy.

Eske salaıyq, 26 qazanda kandıdat saılaý naýqany aıasynda aımaqtardy aralaı bastady. Ol Qaraǵandy oblysyna baryp, quqyq qorǵaýshylarmen kezdesti. Keıinirek turmystyq zorlyq-zombylyq qurbandaryna kómektesetin daǵdarys ortalyǵynda áıeldermen suhbatasýǵa bardy. 27 qazanda quqyq qorǵaýshy Aqmola oblysynda bolyp, dárigerler men medıtsına qyzmetkerleriniń máselelerin tyńdady, sonymen qatar jergilikti daǵdarys ortalyǵynda boldy.

Úmitker 31 qazanda Shymkentte tigin fabrıkasynyń 250 jumysshysymen, qalalyq advokattar alqasymen kezdesti jáne óziniń «Turmystyq zorlyq- zombylyqsyz Qazaqstan» jobasy arqyly 2017 jyly qurylǵan otbasyn qoldaý qyzmetine bardy. Sonymen qatar, 1 qarashada Túrkistan qalasynda bolyp «Belsendi uzaq ómir» ortalyǵynda zeınetkerlermen kezdesip, ÚEU dyń keńsesinde boldy.