Saılaý-2022: Nurlan Áýesbaev Aqkól qalasyna bardy

AQMOLA OBLYSY. QazAqparat – Jalpyulttyq sotsıal-demokratııalyq partııasy (JSDP) atynan prezıdenttikke kandıdat Nurlan Áýesbaev Aqmola oblysy Aqkól qalasyna saparmen bardy. Bul týraly JSDP áleýmettik jelidegi paraqshasynda jazdy, dep habarlaıdy QazAqparat.

Aqkólde ótken kezdesý barysynda kandıdat jınalǵan qaýymǵa saılaýaldy baǵdarlamasynyń basym baǵyttary jóninde baıandady.

Buǵan deıin Nurlan Áýesbaev Astanadaǵy jataqhanaǵa baryp, ondaǵy turǵyndarmen kezdeskenin jazǵan bolatynbyz. Sondaı-aq «Jalpyulttyq sotsıal-demokratııalyq partııasy» respýblıkalyq qoǵamdyq birlestiginen prezıdenttikke kandıdat úgit-nasıhat jumystarymen Qaraǵandy, Aqtóbe, Aqmola, Batys Qazaqstan oblystarynda, Shymkent, Almaty, Astana qalalarynda kezdesýler ótkizgenin habarlaǵan edik.

Jalpy úmitkerdiń saılaýaldy baǵdarlamasyn nasıhattaý, halyqqa túsindirý maqsatynda respýblıka boıynsha 21 shtab jumys istep tur.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.