Saılaý-2022: Meıram Qajykendi qoldaý shtaby qalaı jumys istep jatyr
Prezıdenttikke kandıdat Meıram Qajykenniń saılaýaldy shtabynyń jetekshisi Ábil Kekilbaev «Atameken Business» telearnasyna suhbat berdi. Aıtýynsha, kandıdat úgit-nasıhat naýqany kezinde el óńirlerin aralap, halyqpen kezdesýler uıymdastyrylyp keledi. Qazir úmitker BQO jurtshylyǵymen kezdesý ótkizip júr, odan ári elimizdiń ońtústik aımaǵyn aralaıdy. Shtab basshysynyń málimdeýinshe, eńbek adamdarymen kezdesý barysynda usynystar men ótinishter túsip jatyr.
Meıram Qajykenniń kandıdatýrasyn qoldaý boıynsha elimizdiń 14 óńirinde shtab jumys istep tur. Qalǵan aımaqtardaǵy jumysty kandıdattyń senimdi ókilderi atqarady. Olardyń sany 140-tan astam.
Sonymen qatar, úgit-nasıhat jumysy kópshilik oryndar men kásiporyndar, qoǵamdyq uıymdar ujymy arasynda uıymdastyrylyp jatyr.
Eske salsaq, Ortalyq saılaý komıssııasy Meıram Qajykendi «Amanat» Qazaqstan kásipodaqtar dostastyǵy» respýblıkalyq birlestigi atynan Prezıdenttikke kandıdat retinde tirkedi.
