Saılaý-2022: Meıram Qajyken Qaskeleńde muǵalimdermen kezdesti

QASKELEŃ. QazAqparat - QR prezıdenttigine kandıdat Meıram Qajyken Qaskeleń qalasynda bilim berý kásipodaqtarynyń múshelerimen – muǵalimdermen kezdesti, dep habarlaıdy QazAqparat kandıdattyń shtabyna silteme jasaı otyryp.

Meıram Qajyken muǵalimderge ózi týraly jáne saılaýaldy baǵdarlamasy týraly aıtty.

Kezdesýde turǵyn úı, barlyq deńgeıdegi ákimderdi saılaý, áleýmettik qorǵaý, azamattyq qoǵamnyń bir bóligi retinde táýelsiz kásipodaqtardy damytý jáne medıtsınalyq qyzmetterdiń sapasyn arttyrý máseleleri kóterildi.

Eske salsaq, Ortalyq saılaý komıssııasy Meıram Qajykendi «Amanat» Qazaqstan kásipodaqtar dostastyǵy» respýblıkalyq birlestigi atynan Prezıdenttikke kandıdat retinde tirkedi.

Aıta keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.