Saılaý-2022: Meıram Qajyken Aqtóbege bardy
Kandıdat birinshi bolyp Aqtóbe rels-arqalyq zaýytynyń qyzmetkerlerimen kezdesti.
Meıram Qajyken óziniń saılaýaldy tuǵyrnamasynyń maqsat-múddesimen tanystyrdy.
Kezdesý qorytyndysy boıynsha ol zaýyt qyzmetkerlerine óziniń saılaýaldy tuǵyrnamasyna qyzyǵýshylyq tanytyp, qoıǵan suraqtary úshin alǵys bildirdi.
Aıta keteıik, kásiporyn metall konstrýktsııalaryna arnalǵan uzyn ólshemdi relstermen qatar, basqa da ónimder shyǵarady. Óndiris kólemi – jylyna 200 myń tonnadan astam rels. Zaýyt óz ónimderin Qazaqstan naryǵyna jáne birqatar jaqyn shet memleketterge jetkizedi.
Buǵan deıin prezıdenttikke kandıdat Meıram Qajyken Óskemen qalasyna baryp, Shyǵys Qazaqstan aýrýhanasy dıagnostıkalyq ortalyǵynyń qyzmetkerlerimen kezdeskenin jáne «Vostok moloko» korporatsııasyna barǵanyn habarlaǵan edik. Sondaı-aq kandıdat «Karavaı» JShS jáne GES ujymdarymen de kezdesti.
Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al 20 qarashada prezıdent saılaýy ótedi.
