Saılaý-2022: Qaraqat Ábden Talǵarda saılaýshylarmen kezdesti

ASTANA. QazAqparat – Qazaqstan Prezıdenttigine kandıdat Qaraqat Ábden Almaty oblysynyń Talǵar qalasynda saılaýshylarmen kezdesý ótkizdi, dep habarlaıdy QazAqparat.

Kezdesý kezinde bıznes pen otbasylyq qundylyqtardy ushtastyrý máselesi talqylandy. Sondaı-aq kandıdat Almaty oblysynyń Tuzdybastaý aýylynda otbasylyq kásibin dóńgeletip júrgen zeınetker Saıypjamal Óteptiń shańyraǵyna bardy. Saıypjamal Ótep zeınetke shyqqaly beri sútten kilegeı, qatyq, qurt, irimshik, syr, aıran, kóje, jent daıyndap, saıda jasap júrgen otbasylyq shaǵyn bıznesti qolǵa alǵan.

Esterińizge sala keteıik, saılaý aldyndaǵy úgit-nasıhat 2022 jylǵy 21 qazanda bastaldy jáne saılaýdan bir kún buryn, ıaǵnı 19 qarashada aıaqtalady. 19 qarasha – respýblıka boıynsha tynyshtyq kúni. Al, 20 qarashada Prezıdent saılaýy ótedi.