Saılaý-2022: Qaraqat Ábden Qyzylorda oblysyna bardy

QYZYLORDA. QazAqparat - QR prezıdenttigine úmitker Qaraqat Ábdenniń el óńirlerindegi úgit-nasıhat jumystary jalǵasýda. Búgin ol Qyzylorda oblysynyń óńirlik saılaýaldy shtabyna at basyn burdy, dep habarlaıdy QazAqparat kandıdattyń shtabyna silteme jasaı otyryp.

Saılaýaldy úgit-nasıhat jumystaryn júrgizý úshin bul aımaqta 100-den astam adam jumyldyrylǵan.

Eske salsaq, elimizde 20 qarasha kúni kezekten tys prezıdent saılaýy ótedi. Úmitker Qaraqat Ábden el aımaqtaryn aralap, 11 qala men birneshe aýyldyq eldi mekende 20-dan astam kezdesý ótkizdi Aldaǵy ýaqytta ol Soltústik Qazaqstan, Túrkistan, Jambyl oblystarynyń saılaýshylarymen kezdesedi.

Aıta keteıik, sondaı-aq búgin Ortalyq saılaý komıssııasynyń otyrysynda 20 qarashada ótetin prezıdent saılaýyna kandıdattardyń pikirsaıysynyń reglamenti men qatysýshylar tizimi bekitildi. Televızııalyq pikirsaıys 11 qarashada «Habar» telearnasynyń efırinde ótedi