Saılaý-2022: halyqaralyq baıqaýshylardy akkredıtteý aıaqtaldy

ASTANA. QazAqparat – 20 qarashada ótetin QR Prezıdenti saılaýyna halyqaralyq uıymdar men shet elderden baıqaýshylardy tirkeý toqtatyldy. Bul týraly QR Ortalyq saılaý komıssııasynyń tóraǵasy Nurlan Ábdirov málim etti, dep habarlaıdy QazAqparar tilshisi.

«Ortalyq saılaý komıssııasyna QR Prezıdenti saılaýyna halyqaralyq uıymdar men shet elderden halyqaralyq baıqaýshylardy akkredıtteý elimizdiń syrtqy ister mınıstrliginen kelip túsedi. Sonymen qatar «Saılaý týraly» Konstıtýtsııalyq zańnyń normalaryna sáıkes shet memleketter men halyqaralyq uıymdardyń atynan baıqaýshylardy akkredıtteý saılaýdan bes kún buryn jergilikti ýaqyt 18:00-de aıaqtalady. ıAǵnı, búgin saǵat 18: 00-de biz atalǵan protsedýrany aıaqtaımyz», - dedi Nurlan Ábdirov Ortalyq saılaý komıssııasynyń otyrysynda.

OSK basshysynyń aıtýynsha, búginge deıin halyqaralyq baıqaýshylardy akkredıtteý máselesine arnalǵan birneshe otyrys ótip, tıisti qujattar qabyldandy.

Buǵan deıin habarlaǵanymyzdaı Ortalyq saılaý komıssııasy Shanhaı yntymaqtastyq uıymy men Islam yntymaqtastyǵy uıymy atynan tirkelgen 2 baıqaýshyny akkredıtteýdi keri qaıtaryp aldy.